Лябедзька правёў каля Валадаркі пікет з патрабаваннем вызваліць затрыманых графітыстаў
Пікет з патрабаваннем вызваліць затрыманых графітыстаў прайшоў вечарам 20 жніўня каля СІЗА № 1 па вуліцы Валадарскага ў Мінску.
Як паведаміў сустаршыня аргкамітэта па стварэнні партыі «Беларуская хрысціянская дэмакратыя» Павел Севярынец, акцыя працягвалася прыкладна гадзіну. У ёй удзельнічала прыблізна 20 чалавек: прадстаўнікі аргкамітэта БХД, Партыі БНФ, АГП і інш. Яны трымалі плакаты з надпісамі «Свабоду Вадзіму Жаромскаму»», «Свабоду Максіму Пякарскому!», «Беларусь павінна быць беларускай».
Міліцэйскі патруль знаходзіўся побач, але ў падзеі не ўмешваўся, абмежаваўшыся назіраннем і перамовамі па рацыі: пікет праходзіў у межах збору подпісаў за вылучэнне старшыні АГП Анатоля Лябедзькі кандыдатам у прэзідэнты. Да месца правядзення акцыі прыязджала здымачная група беларускага тэлебачання.
Каментары