Арыштаваны кіраўнік расійскай рэспублікі Комі: «за кіраўніцтва бандай»
Следчы камітэт Расіі паведаміў пра ўзбуджэнне крымінальнай справы супраць кіраўніка Рэспублікі Комі Вячаслава Гайзера па падазрэнні ў махлярстве і арганізацыі банды.
Паводле агенцтва ТАСС, Вячаслаў Гайзер арыштаваны і, хутчэй за ўсё, будзе дастаўлены ў Маскву, бо справай займаецца Упраўленне па расследаванні асоба важных спраў.
«ФСБ Расіі і Следчым камітэтам Расійскай Федэрацыі выкрыта дзейнасць злачыннай супольнасці, якую ўзначальвалі кіраўнік Рэспублікі Комі Вячаслаў Гайзер, яго намеснік Аляксей Чарноў, а таксама Аляксандр Зарубін і Валер Весялоў», — заявіў афіцыйны прадстаўнік СК РФ Уладзімір Маркін.
Па словах Маркіна, дзейнасць гэтай злачыннай супольнасці насіла маштабны, міжнародны характар, яна было заканспіравана і мела сістэму аховы ад органаў правасуддзя.
Як паведамляецца, у рамках гэтага расследавання крымінальныя справы вядуцца супраць 19 чалавек.
Гайзер з'яўляўся членам Вышэйшага савета партыі «Адзіная Расія», з 2003 года ён узначальваў міністэрства фінансаў Рэспублікі Комі, а ў 2010 годзе стаў кіраўніком рэгіёну.
Паведамляецца, што яго членства ў «Адзінай Расіі» прыпынілі.
Цяпер чытаюць
«Дыялект падазроны». Спявак Сярога прыйшоў на расійскае рэаліці і сабраў усіх хэйтараў6
Каментары