Групы актывістаў, якія змагаюцца за незалежнасьць Тыбету, пачалі марш з Індыі ў Кітай. Яны плянуюць дайсьці да Тыбету пад закрыцьцё Алімпійскіх Гульняў у Пэкіне.
Марш сотняў тыбетцаў пачаўся ў індыйскім горадзе Дарамсала, дзе знаходзіцца рэзыдэнцыя ўраду Тыбэту ў выгнаньні і дом Далай Ламы. Арганізатары маршу пакуль не раскрываюць маршрут, але спадзяюцца дайсьці да Тыбэту за 6 месяцаў.
Індыйская паліцыя забараніла тыбэцкім уцекачам сыходзіць з раёну Дарамсалы.
«Калі яны парушаць загад, будуць зробленыя ўсе неабходныя крокі», — кажа Атул Фульжыле, шэф мясцовай паліцыі.
Па яго словах, урад супраць правядзеньня маршу і перасячэньня мяжы. Раней падчас маніфэстацый пратэсту тыбетцаў у сталіцах Індыі і Непалу адбыліся сутычкі з паліцыяй.
Акцыі ў падтрымку незалежнага Тыбэту таксама праходзяць у розных краінах сьвету.
Цяпер чытаюць
Хто з беларусаў трапіў на прыём да прэзідэнта Польшчы ШМАТ ФОТА28
Каментары