Ваенны кантынгент краінаў, якія ўваходзяць у АДКБ, «пакуль ня будзе прыцягвацца да паветранай апэрацыі Расеі ў Сырыі».
Пра гэта заявіў генэральны сакратар арганізацыі дамовы аб калектыўнай бясьпецы ў рамках СНД Мікалай Бардзюжа. Што азначае ўдакладненьне «пакуль» — чыноўнік не патлумачыў.
«Патрэбы пакуль такой няма. Самае галоўнае, што ўсе міністры абароны дзяржаў-сябраў АДКБ, з кім размаўляў міністар абароны Расеі Сяргей Шойгу, разумеюць рэальныя задачы і мэты, пастаўленыя перад расейскім вайсковым кантынгентам у Сырыі. Яны разумеюць, што адбываецца», — сказаў Бардзюжа.
Пры гэтым ён не стаў гаварыць, ці ўсе краіны АДКБ падтрымалі паветраную апэрацыю Расеі: «Я ведаю тое, што краіны АДКБ праінфармаваныя аб апэрацыі Расеі ў Сырыі. Расея прыняла такое рашэньне як сувэрэнная краіна, у сваёй сувэрэннай якасьці», — адзначыў генэральны сакратар АДКБ.
Каментары