У Следчы камітэт і Федэральную службу бяспекі Расіі паступіў запыт з просьбай праверыць на экстрэмізм выказванні каментатара «Матч ТБ» Аляксея Андронава. Пра гэта паведамляе партал Ruposters.
«Выказванні каментатара выклікалі асабліва цяжкія грамадска небяспечныя наступствы, справакаваўшы бурную рэакцыю расійскіх грамадзян», — заявіў аўтар ініцыятывы юрыст і публіцыст РІАН Ілля Рамясло.
На яго думку, запісы Андронава ў Twitter парушаюць расійскае заканадаўства, а менавіта артыкул 282 Крымінальнага кодэкса (распальванне міжнацыянальнай варожасці).
З крытыкай Андронава ў Twitter выступілі былы баксёр, а цяпер дэпутат Дзярждумы Мікалай Валуеў, а таксама яго калега па Думе тэлежурналіст Аляксей Пушкоў.
5 лістапада Андронаў крытычна выказаўся ў адрас Наваросіі і «аматараў рускага міру». Пазней пасты ў сацсетках былі выдаленыя, а старонка каментатара закрытая для прагляду.
Цяпер чытаюць
Сяргей узяў грошы за кантракт і пайшоў здавацца ў палон пры першай магчымасці. Пакручасты лёс беларуса, які падпісаўся ваяваць за Расію7
Каментары