Прэзідэнт Емена Абд Рабу Мансур Хадзі, які знаходзіўся ў выгнанні ў Саудаўскай Аравіі, вярнуўся ў краіну.
Як паведамляюць ўрадавыя СМІ, цяпер прэзідэнт знаходзіцца ў Адэне, адкуль, як адзначаецца, «будзе кантраляваць наступ на правінцыю Таіз», якую занялі паўстанцы.
У верасні прэзідэнт ужо вяртаўся ў краіну, але затым зноў яе пакінуў.
У канцы сакавіка Абд Рабу Мансур Хадзі вымушаны быў збегчы з краіны падчас наступу паўстанцаў-хусітаў.
Услед за гэтым Саудаўская Аравія і яе саюзнікі з краін Персідскага заліва пачалі бамбардзіроўкі пазіцый хусітаў.
У ліпені праўрадавыя сілы пры падтрымцы наземных сіл кааліцыі выціснулі хусітаў і лаяльныя былому прэзідэнту Алі Абдала Салех войскі з Адэна.
Улады Емена і іх саюзнікі абвінавачваюць хусітаў у тым, што яны дзейнічаюць пры падтрымцы Ірана, аднак паўстанцы гэта адмаўляюць.
Па дадзеных ААН, за час канфлікту ў Емене загінула больш за чатыры тысячы чалавек, больш за палову з іх — мірныя жыхары. Каля 1,4 млн грамадзян краіны былі вымушаныя пакінуць свае дамы.
Фатограф-агент з двума пашпартамі здымае беларусаў і іх мерапрыемствы ў Варшаве13
Каментары