Prezident Jemiena Abd Rabu Mansur Chadzi, jaki znachodziŭsia ŭ vyhnańni ŭ Saudaŭskaj Aravii, viarnuŭsia ŭ krainu.
Jak paviedamlajuć ŭradavyja ŚMI, ciapier prezident znachodzicca ŭ Adenie, adkul, jak adznačajecca, «budzie kantralavać nastup na pravincyju Taiz», jakuju zaniali paŭstancy.
U vieraśni prezident užo viartaŭsia ŭ krainu, ale zatym znoŭ jaje pakinuŭ.
U kancy sakavika Abd Rabu Mansur Chadzi vymušany byŭ źbiehčy z krainy padčas nastupu paŭstancaŭ-chusitaŭ.
Uśled za hetym Saudaŭskaja Aravija i jaje sajuźniki z krain Piersidskaha zaliva pačali bambardziroŭki pazicyj chusitaŭ.
U lipieni praŭradavyja siły pry padtrymcy naziemnych sił kaalicyi vycisnuli chusitaŭ i łajalnyja byłomu prezidentu Ali Abdała Salech vojski z Adena.
Ułady Jemiena i ich sajuźniki abvinavačvajuć chusitaŭ u tym, što jany dziejničajuć pry padtrymcy Irana, adnak paŭstancy heta admaŭlajuć.
Pa dadzienych AAN, za čas kanfliktu ŭ Jemienie zahinuła bolš za čatyry tysiačy čałaviek, bolš za pałovu ź ich — mirnyja žychary. Kala 1,4 młn hramadzian krainy byli vymušanyja pakinuć svaje damy.
Ciapier čytajuć
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie11
Kamientary