Прэм'ер-міністр Францыі Мануэль Вальс заявіў, што Еўропа больш не можа прымаць бежанцаў з Блізкага Усходу і павінна ўзмацніць ахову сваіх межаў.
AP
«Гэта не азначае, што я крытыкую Германію. Германія зрабіла свой выбар, аднак яна павінна ўсведамляць усю адказнасць», — адзначыў Вальс у гутарцы з журналістамі.
Паводле яго слоў, Францыя і Бельгія павінны спыніць прыём мігрантаў па відавочных прычынах.
Прэм'ер адзначыў, што Францыя мае намер выканаць сваё абавязацельствы па прыёме да 30 тысяч бежанцаў у 2015-2016 гадах, аднак падкрэсліў, што французы ведаюць пра тое, што некаторыя выканаўцы тэрактаў у Парыжы 13 лістапада прыбылі ў краіну менавіта ў шэрагах мігрантаў.
«Гэта падымае праблему магчымасцяў Еўропы па кантролі за патокам бежанцаў і па рэалізацыі рашэнняў аб кантролі межаў …» - дадаў Вальс.
Напярэдадні стала вядома, што мігранты, якія апынуліся на мяжы паміж Грэцыяй і Македоніяй, зашылі сабе рот на знак пратэсту супраць немагчымасці працягнуць шлях далей у Еўропу.
Дэбаты па пытанні аховы межаў у Еўропе ўзмацніліся пасля серыі нападаў у Парыжы 13 лістапада.
Цяпер чытаюць
Сяргей узяў грошы за кантракт і пайшоў здавацца ў палон пры першай магчымасці. Пакручасты лёс беларуса, які падпісаўся ваяваць за Расію7
Каментары