Рэспубліканец Ліндсі Грэм заявіў, што не стане далей змагацца за права быць намінаваным у якасці кандыдата ў прэзідэнты ад сваёй партыі.
«Сёння я спыняю сваю кампанію за прэзідэнцкі пост», — заявіў сенатар ад штата Паўднёвая Караліна ў відэазвароце, распаўсюджаным у YouTube. Пры гэтым 60-гадовы палітык дадаў, што ганарыцца гэтай кампаніяй, якая галоўным пытаннем у якой стала бяспека ЗША.
Паводле ацэнак экспертаў, сенатар паспяхова завяршыў другі раўнд тэлевізійных дэбатаў, аднак не зрабіў належнага ўражання на выбаршчыкаў, як вынікае з апытанняў грамадскага меркавання.
Раней ужо хадзілі размовы пра тое, што Грэм можа выйсці з прэзідэнцкай гонкі.
З сыходам Грэма ў рэспубліканцаў застаецца 12 чалавек, якія змагаюцца за права стаць кандыдатам на прэзідэнцкіх выбарах.
Праймерыз кандыдатаў ад кожнай партыі пачнуцца праз шэсць тыдняў са штата Аёва.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы1
Каментары