Міністр унутраных спраў Беларусі Ігар Шуневіч 28 снежня падчас дакладу Аляксандру Лукашэнку праінфармаваў кіраўніка дзяржавы аб выніках працы МУС у адыходзячым годзе, асноўных паказчыках, які характарызуюць сітуацыю ў краіне са злачыннасцю, і мерах, што прадпрымае міністэрства, каб паўплываць на гэтыя паказчыкі.
«Прэзідэнт даў узважаную і галоўным чынам станоўчую ацэнку дзейнасці МУС і пры гэтым указаў на недахопы, над ухіленнем якіх міліцыя будзе працаваць», — паведамляе прэс-служба беларускага кіраўніка.
Так, Лукашэнка выказаў занепакоенасць ростам злачынстваў хуліганскай скіраванасці і тым, што вінаватых часам не знаходзяць. «Гэта маральна цісне на нашых людзей, а мы іх павінны абараніць», — адзначыў ён. І запатрабаваў ад міліцыі жорстка ставіць на месца хуліганаў — да следчых дзеянняў і судовых разбораў. У сувязі з гэтым Лукашэнка пазітыўна ацаніў практыку патрулявання вуліц у гарадах. «Гэта вельмі добрая практыка, яе трэба падтрымліваць усюды, — сказаў ён. — Гэта вельмі добрая справа і на грамадскай бяспецы адбіваецца ў станоўчым плане». Паводле слоў Лукашэнкі, важна, каб людзі ў Беларусі, асабліва пажылога ўзросту, адчувалі сябе абароненымі.
Кіраўнік МУС паведаміў, што «сітуацыя са злачыннасцю ў краіне знаходзіцца пад аператыўным і тактычным кантролем і сёння ў краіне няма пагражальных фактараў, якія развіваліся б па некіраваным вектары».
-
Фіналістка Алімпіяды-2008 у лёгкаатлетычнай эстафеце кіруе ў Брэсце гарадскім аўтобусам. Як так атрымалася?
-
Партрэт палітвязня Андрэя Пачобута высвечваецца на фасадзе Прэзідэнцкага палаца ў Варшаве ФОТАФАКТ
-
У Касцюковічах дашкольнікі пад наглядам пракурора «пісалі» лісты ў іншыя краіны пра дзяржаўную сімволіку
Цяпер чытаюць
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары