Рафаэль Бенітэс пакінуў пасаду галоўнага трэнера іспанскага футбольнага клуба «Рэал». Пра гэта паведамляе выданне Marca. Па дадзеных крыніцы, на гэтай пасадзе яго зменіць француз Зінедзін Зідан, які працуе з другой камандай клуба «Рэал Кастылія».
Рашэнне аб адстаўцы 55-гадовага іспанскага спецыяліста было прынята па выніках экстраннага сходу кіраўніцтва «Рэала» на чале з прэзідэнтам клуба Фларэнтына Перэсам. Прычынай звальнення Бэнітэса сталі нездавальняючыя вынікі каманды.
Пасля 18 тураў «Рэал» ідзе на трэцім месцы ў турнірнай табліцы чэмпіянату Іспаніі, набраўшы 37 ачкоў. Лідзіруе мадрыдскі «Атлетыка» (41 ачко), другое месца займае «Барселона» (39 ачкоў, 17 матчаў).
Бенітэс узначаліў мадрыдскі клуб у чэрвені 2015 года. Ён змяніў на пасадзе галоўнага трэнера італьянца Карла Анчалоці.
Зідан з'яўляецца трохразовым уладальнікам узнагароды «Найлепшы футбаліст свету па версіі ФІФА» (1998, 2000, 2003). У складзе зборнай Францыі гулец станавіўся чэмпіёнам свету (1998) і чэмпіёнам Еўропы (2000). За «Рэал» Зідан выступаў з 2002 па 2006 гады, завяршыўшы кар'еру футбаліста ў іспанскай камандзе.
З 2009 года працаваў памочнікам прэзідэнта «Рэала» Перэса. У 2011-2012 гг. займаў пасаду спартыўнага дырэктара клуба. Улетку 2014-га француз узначаліў «Рэал Кастылія».
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары