Студэнтам рассылаюць спіс забароненых арганізацый і пагражаюць адлічэннямі за выхад з дому ў «крытычныя даты»
17 лютага ў сацыяльнай сетцы Укантакце з акаўнта Віктара Серага, студэнта БДМУ, было распаўсюджана сярод студэнтаў і трэціх асоб такое паведамленне:
Старастам груп прапануецца правесці «прафілактычныя гутаркі» і «інфармацыйныя гадзіны» аб непажаданым удзеле студэнтаў у дзейнасці гэтых арганізацый, таму што іх дзейнасць — «мэтанакіраванае з боку іншых сіл увядзенне ў зман з элементамі антыдзяржаўнага характару».
Прарэктар БДМУ па выхаваўчай рабоце Уладзімір Аляксандравіч Манулік адмовіўся каментаваць дзеянні свайго студэнта і запрасіў карэспандэнта «Нашай Нівы» на асабістую сустрэчу на наступным тыдні.
А такі ананімны допіс учора з'явіўся у суполцы «УКантакце» «Гэта Мінск, дзетка!»
Асамблея НДА Беларусі паведамляе, што такія лісты, акрамя БДМУ, распаўсюджваюць у БДУ і БДУІР.
У прэс-службе БДУ нам адказалі, што афіцыйных інструкцый ім не паступала. З прэс-службай БДУІР звязацца пакуль не ўдалося.
Пералічаныя ў паведамленні арганізацыі з'яўляюцца зарэгістраванымі. Так, «Братэрства арганізатараў студэнцкага самакіравання» працуе ў рамках інфармацыйна-практычнай установы «Студэнцкая фабрыка думкі» ад 3 верасня 2013 года, «Цэнтр развіцця студэнцкіх ініцыятыў» афіцыйна зарэгістраваны як інфармацыйна-асветніцкая ўстанова, а «Студэнцкая рада» з'яўляецца прафсаюзнай групай у складзе Беларускага прафсаюза работнікаў радыёэлектроннай прамысловасці, створанай 21 жніўня 2008 года.
-
«Набраў 6,8 кг за 1,5 месяца». Як і чым кормяць у офісах ІТ-кампаній у Беларусі і за яе межамі?
-
Узорнага старасту вёскі і прадпрымальніка з Бабруйска кінулі за краты: падобна, за «Гаюна». Вось як на яго маглі выйсці
-
У Пухавіцкім раёне «Дажынкі» нечакана перанеслі на тыдзень. Ужо выпечаныя да свята караваі могуць да яго не дажыць
Каментары