«Расія з'яўляецца стратэгічнай пагрозай №1 для Злучаных Штатаў. Гэта адзіная краіна ў свеце, якая здольная знішчыць ЗША», — адзначыў начальнік штаба Сухапутных войск ЗША генерал Марк Мілі.
«Паводзіны РФ цяпер у сферы міжнароднай палітыкі — агрэсіўныя. Еўропа не бачыла такіх паводзін з часоў Другой сусветнай вайны», — сказаў генерал.
Ён адзначыў, што за апошнія гады Расія павялічыла і абнавіла свае арсеналы, а кіруюць яе паводзінамі «страх і ганарлівасць».
Падчас выступу на канферэнцыі «Будучыня вайны» у Вашынгтоне на гэтым тыдні Мілі таксама выказаў меркаванне, што ў бліжэйшыя 10-15 год наземныя баявыя дзеянні перажывуць рэвалюцыйныя змены.
Ён звярнуў увагу прысутных на развіццё лазерных тэхналогій, рабатызацыі, якая можа прывесці да з'яўлення беспілотных транспартных канвояў, з'яўленне новых тыпаў боепрыпасаў, электрамагнітнай зброі.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары