Прэзідэнт Украіны Пятро Парашэнка ў ходзе рабочага візіту ў Брусель абмеркаваў з федэральным канцлерам Германіі Ангелай Меркель і прэзідэнтам Францыі Франсуа Аляндам пытанні выканання Минскіх дамоўленасцей і палітычную сітуацыю ва Украіне.
Як паведамляе прэс-служба кіраўніка ўкраінскай дзяржавы, лідары Германіі і Францыі пацвердзілі, што санкцыі Еўрапейскага саюза супраць Расіі будуць захаваныя да поўнага выканання Масквой Мінскіх дамоўленасцей.
Парашэнка, Меркель і Алянд выказалі занепакоенасць пагаршэннем сітуацыі бяспекі на Данбасе і падкрэслілі важнасць імплементацыі Мінскіх дамоўленасцей.
Суразмоўцы падкрэслілі важнасць спынення агню, адводу расійскай ваеннай тэхнікі, прадастаўлення поўнага і бесперашкоднага доступу назіральнікаў АБСЕ да ўсіх месцаў на акупаваных тэрыторыях і некантраляваных участках ўкраіна-расійскай мяжы.
Лідары таксама паказалі на важнасць правядзення выбараў у асобных раёнах Данецкай і Луганскай абласцей згодна з украінскім заканадаўствам і прынцыпам АБСЕ пры ўмове забеспячэння кампанента бяспекі.
Яны таксама сумесна заклікалі неадкладна вызваліць і вярнуць у Украіну ўкраінскага пілота Надзею Саўчанка, якую незаконна ўтрымліваюць у расійскай турме, падкрэсліўшы важнасць вызвалення ўсіх закладнікаў, што прадугледжана Мінскімі дамоўленасцямі.
Акрамя таго, Меркель і Алянд пацвердзілі нязменнасць палітыкі Еўрасаюза па непрызнанні акупацыі Крыма Расійскай Федэрацыяй, а таксама выказалі падтрымку украінскім рэформам.
-
Тандэм прэзідэнта Францыі і яго прэм'ер-міністра стаў самым непапулярным у сучаснай гісторыі краіны
-
У Літве стабальнікаў прэміруюць немалымі грашыма. А іх настаўнікаў — яшчэ большымі. Але сёлета сістэма ледзь не зламалася
-
Аліеў параіў Украіне не згаджацца на акупацыю. Z-каналы заклікаюць рыхтавацца да вайны з Азербайджанам
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў9
Каментары