Муж памерлай у раддоме Маладзечна жанчыны: Мы будзем дамагацца таго, каб вінаватых пакаралі
Трагедыя, калі ў раддоме памерла маладая жанчына, адбылася ноччу 5 красавіка.
Старшы следчы Маладзечанскага РАСК Юры Багушэвіч расказаў «Рэгіянальнай газеце», што факт гібелі ёсць:
– Але больш ніякіх каментароў на гэты конт. Цяпер праводзіцца праверка, крымінальная справа пакуль не распачатая.
Муж памерлай жанчыны расказаў «Рэгіянальнай газеце», што зараз у Мінску на працягу месяца будзе праводзіцца экспертыза, вынікі якой перададуць у Следчы камітэт Маладзечна.
– Нас запэўнілі ў самым дасканалым яе правядзенні. І па выніках усяго будуць прымяняцца нейкія дзеянні. Мы прыкладзём усе сілы, каб знайсці праўду і справядлівасць. І калі будуць выяўленыя вінаватыя, то і ўсе намаганні, каб яны панеслі пакаранне і больш такога жаху ў нас у горадзе не адбывалася. Радзільня – гэта месца дзе нараджаецца шчасце і цуд, а не месца болю і страт.
На сёння вядома, што памерлай жанчыне было 28 гадоў, нарадзіла яна хлопчыка. Хлопчык здаровы:
– Так, наша сонейка ў парадку, такі харошанькі малы, будзем спадзявацца, што ўсё будзе выдатна з ім і забярэм яго дадому здаровага!
Хто з беларусаў трапіў на прыём да прэзідэнта Польшчы ШМАТ ФОТА10
Каментары