2 ліпеня ў Мінску ўпершыню за апошнія два гады адбудзецца вялікі музычны open-air-фэст «Мост». Па традыцыі, імёны удзельнікаў арганізатары раскрываюць паступова. Спачатку стала вядома, што згоду на ўдзел далі «Ночные снайперы», «Brunettes shoot Blondes», «7000$» і «Рекорд Оркестр». Цяпер названыя хэдлайнеры фэсту: імі сталі «ДДТ» і «SKILLET».
У імпрэзе таксама возьмуць удзел беларускія музыкі: ўжо вядома, што мы пачуем гурты «Дай Дарогу!» і «Super Besse». Інтрыга захоўваецца толькі з назвай гурта, які адкрые фэст. Гэта будзе пераможца аб'яўленага конкурсу, у якім цяпер бяруць удзел восем беларускіх каманд. Азнаёміцца з удзельнікамі, знайсці правілы правядзення конкурса ды дазнацца расклад жывых выступаў у T.N.T. Rock Club можна на афіцыйнай старонцы фэсту.
Гурт «ДДТ» быў заснаваны летам 1980 года ва Ўфе і наўрад ці патрабуе прадстаўлення. Лідар гурта, аўтар большасці песень і адзіны нясменны ўдзельнік – Юры Шэўчук. Гурт выпусціў больш як 20 альбомаў, кожны з якіх рабіўся з'явай у расійскай музычнай культуры. У апошнія гады найбольш абмяркоўваюцца песні «ДДТ» «Русская весна» і «Третья мировая». На сённяшні дзень плануецца перавыданне некаторых альбомаў на CD и на LP, а таксама ідзе падрыхтоўка да запісу новага альбома з рабочай назвай «Кирпичные стены».
«Skillet» — амерыканскі рок-гурт з Мемфіса, штат Тэннессі, існуе ўжо больш як 20 гадоў. На сённяшні дзень запісана 8 студыйных альбомаў, адзін EP і два канцэртных альбома. Альбом «Collide» быў намінаваны на прэмію Грэммі ў намінацыі «Лепшы рок-госпел альбом», а «Comatose» - у намінацыі за «Лепшы рок- ці рэп-госпел альбом». Рокеры запісалі дзесяткі гітоў, а іх альбомы заўсёды знаходзяцца ў топах амерыканскіх чартаў.
Музычны стыль «Skillet» спалучае ў сабе рысы альтэрнатыўнага метала, хард-рока і пост-гранжа; менавіта гэтая сумесь разам з выбуховымі прыпевамі забяспечыла прыхільнасць мільёнаў фанатаў.
Музычны open-air-фэст «МОСТ» адбудзецца 2 ліпеня на аэрадроме «Баравая» з 15.00 да 23.00. Кошт квіткоў традыцыйна ўзрастае бліжэй да мерапрыемства. Кошт на сённяшні дзень складае 400 000 рублёў. Інфалінія +375 29 75-111-75.
Купіць квіткі можна на сайце арганізатара – канцэртнай агенцыі «Атам Інтэртэймэнт» http://atomenter.by/ (без камісіі), на сайце фэсту, на сайтах білетных аператараў, а таксама ў касах горада.
Цяпер чытаюць
У Познані гінеколаг выдаліў 24‑гадовай беларусцы матку і яечнікі без яе згоды. Яму пагражае да 20 гадоў турмы21
Каментары