Украінскі нардэп і ваеннаслужачая Надзея Саўчанка запоўніла разам са сваім абаронцам дакументы на экстрадыцыю.
Пра гэта паведаміў яе адвакат Марк Фейгін у пятніцу, перадае «Інтэрфакс-Украіна».
«Сёння з маім калегам Мікалаем Полазавым Надзея ў СІЗА запоўніла выдадзеныя ёй дакументы. Гэта сапраўдныя экстрадыцыйныя дакументы», — сказаў Фейгін.
Паводле яго словаў, Саўчанка запоўніла біяграфічную даведку, згоду на адбыванне пакарання ва Украіне, а таксама шэраг апытальнікаў.
Фейгін падкрэсліў, што пры запаўненні дакументаў на экстрадыцыю Саўчанка катэгарычна адмовілася ад прызнання сваёй віны.
«Тым не менш, яна згодная аплаціць штраф у 30 тысяч рублёў, прысуджаны ёй судом за нібыта незаконнае перасячэнне мяжы, але пры гэтым яна ўказала, што была незаконна вывезеная з тэрыторыі Украіны», — адзначыў абаронца.
Іншы адвакат Саўчанкі Мікалай Полазаў паведаміў, што з ёй абмяркоўвалі палажэнні канвенцыі аб выдачы.
«Усё, што патрабавалася ад Надзеі, яна выканала, цяпер тэрміны яе вызвалення залежаць цалкам ад хуткасці дзеянняў улады», — падкрэсліў Полазаў.
Каментары