Прэм'ер-міністр Польшчы Беата Шыдла 3 чэрвеня анансавала запуск новай праграмы ўрада «Кватэра плюс».
Дамы будуць стварацца Нацыянальным жыллёвым фондам, у распараджэнне якога паступяць дзяржаўныя зямлі пад будаўніцтва будынкаў.
Кватэры можна будзе здымаць за 10—20 злотых (2,3 - 4,5 еўра) за квадратны метр штомесяц. Таксама наймальнікі змогуць выкупіць кватэры цалкам.
Прэм'ер-міністр Польшчы падкрэсліла, што праграма прызначана для тых, хто зарабляе мала, але таксама для сярэдняга класа.
Праграма не прадугледжвае узроставых абмежаванняў.
Адзначым, што, па словах міністра інфраструктуры Анджэя Адамчыка, будаўніцтва дамоў пачнецца ў 2018 годзе. Ён дадаў, што, хутчэй за ўсё, урад прыме нацыянальную жыллёвую праграму ў канцы 2016 года
Каментары