БТ пра інцыдэнт з фарбай: Сваім недарэчным учынкам «маляры-кідалы» толькі падкрэслілі грамадскую значнасць кантэнту, які вырабляе Белтэлерадыёкампанія
Прэс-служба Белтэлерадыёкампаніі ў іранічнай манеры пракаментавала інцыдэнт каля ўваходу ў будынак, які раніцай 9 чэрвеня закідалі фарбай.
«Рана ўранку 9 чэрвеня ля Белтэлерадыёкампаніі трое ў масках, не лічачы лямпачак з фарбай, здзейснілі акт сучаснага мастацтва. Невядомыя «размалявалі» фасад будынка чырвонай фарбай і, не дачакаўшыся водгукаў арт-крытыкаў, спешна рэціраваліся з месца акцыянізму. Пакуль эксперты спрачаюцца пра яго мастацкую каштоўнасць для чалавецтва, Следчым камітэтам распачатая крымінальная справа па прыкметах учынення злачынства па артыкуле 339 Крымінальнага кодэкса Рэспублікі Беларусь «Хуліганства», — адзначаецца ў паведамленні.
«Згодна з законам, падобныя штукі пагражаюць аўтарам-выканаўцам пакараннем ад арышту на тэрмін ад паўгода да шасці гадоў пазбаўлення волі, — нагадвае прэс-служба НДТРК. — З высвятленнем асоб, якія пакінулі плямы на фасадзе будынка Белтэлерадыёкампаніі і на сваёй біяграфіі, прозвішчы хуліганаў, іх настаўнікаў, а таксама месцы навучання стануць вядомыя грамадскасці. Фарба з фасада змываецца хутка. А вось з твараў бацькоў і блізкіх, якія ўбачылі сваіх крэатыўных дзяцей у крымінальнай хроніцы праграмы «Зона Х», чырвань сораму сыдзе не так хутка».
«Відавочна, што сваёй перадсвітальнай выхадкай гэтыя няшчасныя хацелі дамагчыся ўвагі СМІ і славы. Але толькі прымазаліся да славы вандалаў усіх часоў і народаў, якія спальвалі кнігі ў 30-х, якія знішчалі помнікі альбо руйнавалі Пальміру зусім нядаўна. Тым самым сваім недарэчным учынкам «маляры-кідалы» толькі падкрэслілі грамадскую значнасць кантэнту, які вырабляе Белтэлерадыёкампанія», — лічаць аўтары прэс-рэлізу.
Памёр паэт Уладзімір Карызна, аўтар слоў да цяперашняга дзяржаўнага гімна Беларусі8
Каментары