Лідар Турцыі Рэджэп Таіп Эрдаган распавёў у інтэрв'ю CNN падрабязнасці спробы дзяржаўнага перавароту.
Па словах Эрдагана, перад пасадкай у аэрапорце Стамбула кантроль над вежай кіравання паветраным рухам быў у салдатаў, якія планавалі пераварот. Яны адключылі агні на ўзлётна-пасадачнай паласе.
Пілот прэзідэнцкага самалёта і сам Эрдаган вырашылі садзіцца, выкарыстоўваючы агні на борце. Аднак непасрэдна перад пасадкай кантроль над вежай атрымалі сілы, лаяльныя турэцкаму прэзідэнту. Калі прэзідэнцкі борт сеў, у неба падняліся знішчальнікі F-16. Яны праляталі на невялікай вышыні над самалётам Эрдагана.
У інтэрв'ю CNN прэзідэнт Турцыі адхіліў абвінавачванні ў тым, што ён выкарыстоўвае мяцеж у сваіх інтарэсах, каб здушыць апанентаў.
Як піша Guardian са спасылкай на крыніцы ў контр-тэрарыстычных колах, два знішчальнікі F-16 наладзілі сістэму навядзення на прэзідэнцкі самалёт.
Яны не сталі страляць па «борце нумар адзін», паколькі пілот прэзідэнцкага самалёта запэўніў іх па радыёсувязі, што гэта самалёт Turkish Airlines.
Каментары