У Турцыі пасля спробы перавароту звольнілі больш за 5 тысяч медработнікаў
У Турцыі пасля няўдалай спробы перавароту было звольнена больш за 5 тысяч работнікаў сферы аховы здароўя.
Пра гэта заявіў міністр аховы здароўя Турцыі Рэджэп Акдаг, паведамляе агенцтва Anadolu.
«На працягу апошніх пяці дзён мы інтэнсіўна працуем з камісіяй, у якую я ўваходжу. Звольнена больш за 5 тысяч персаналу міністэрства аховы здароўя», — сказаў ён.
Раней паведамлялася, што ў Турцыі пасля спробы ваеннага перавароту было затрымана больш за 13 000 чалавек.
Як вядома, прэзідэнт Турцыі Рэджэп Таіп Эрдаган абвясціў аб увядзенні надзвычайнага становішча тэрмінам на тры месяцы.
Цяпер чытаюць
Пасля паездкі за межы ЕС таямніча знік Анатоль Котаў, былая правая рука Паўла Латушкі47
Каментары