У Пецярбургу прыкрыюць голае цела Давыда ў адказ на скаргу гараджанкі
Арганізатары мультымедыйнай выставы «Мікеланджэла. Стварэнне свету» ў расійскім Санкт-Пецярбургу вырашылі адзець копію статуі Давыда, усталяваную каля царквы Святой Ганны на Кірачнай вуліцы.
Рашэнне прынялі пасля скаргі гараджанкі, якая заявіла, што скульптура псуе вобраз горада і дрэнна ўплывае на дзяцей.
Арганізатары запусцілі акцыю «Адзень Давыда»: да 15 жніўня яны будуць прымаць ад жыхароў Пецярбурга прапановы па ўборы для статуі, а затым выберуць найлепшы варыянт і сшыюць гарнітур. Арганізатары выставы паабяцалі, што да пачатку навучальнага года геніталіі і ягадзіцы скульптуры Мікеланджэла будуць прыкрытыя.
Гараджанка паскардзілася на галізну Давыда ў пятніцу, 22 ліпеня. Яна адправіла зварот упаўнаважанаму па правах дзіцяці ў Санкт-Пецярбургу.
«Як можна было паставіць гэтага мужыка без штаноў у цэнтры Пецярбурга, каля школы і царквы? Гэты гігант нявечыць дзіцячыя душы!» — адзначаецца ў лісце, апублікаваным на сайце ўпаўнаважанага. Па словах супрацоўнікаў апарата амбудсмэна, у асабістай гутарцы паўплываць на жыхарку не ўдалося.
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках24
Каментары