Кампанія Disney выйшла на рынак мабільных месенджараў з дадаткам Disney Mix. Ён прызначаны для дзяцей і сям'і і пазіцыянуецца як бяспечная альтэрнатыва WhatsApp, Facebook і Snapchat.
Месенджар для дзяцей ад кампаніі Disney будзе мець пашыраныя функцыі, піша TechCrunch. Ён будзе дазваляць не толькі абменьвацца паведамленнямі, але і гуляць у гульні, ствараць мемы і абменьвацца стыкерамі.
Пры падключэнні да месенджара карыстальнік павінен пацвердзіць сваю згоду з правіламі сэрвісу. Яны ўключаюць забарону на перадачу персанальных дадзеных незнаёмым людзям, а таксама забарону на абразы і выкарыстоўванне непрыстойных выразаў. За парушэнне гэтых правілаў карыстальнікам могуць часова або пастаянна забаранiць карыстацца сэрвісам. У Disney Mix таксама ёсць функцыя выдалення сяброў.
Месенджар разлічаны на дзяцей ва ўзросце ад 4 да 14 гадоў. Кампанія рэкамендуе бацькам абмеркаваць з дзецьмі правілы сэрвісу, перш чым падпісвацца на яго.
Карыстальнікі Disney Mix таксама змогуць дадаваць у свой спіс сяброў акаўнты Disney Channel, Disney XD і Disney Movies, адкуль яны будуць атрымліваць фатаграфіі, відэаролікі і навіны.
У месенджар убудаваныя інтэрактыўныя гульні Spikes, Elsa's Winter Waltz і Cards of Doom. Яны дазваляюць гуляць у іх адразу некалькім карыстальнікам.
Яшчэ адной функцыяй дадатка з'яўляецца магчымасць абмену фатаграфіямі і відэазапісамі. Але гэта можна зрабіць толькі са згоды бацькоў.
Дадатак Disney Mix на платформе iOS даступны для бясплатнага сцягвання на iTunes, а для Android — у Google Play.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі26
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4242
Каментары