20 жніўня ў рацэ Асіпоўка каля вёскі Малыя Дарапеевічы Маларыцкага раёну знайшлі цела жыхара Брэста з агнястрэльнымі раненнямі галавы і шыі. Мужчыну застрэлілі з зарэгістраванай паляўнічай стрэльбы 12-га калібра, паведамілі ў МУС Беларусі.
У момант здарэння пацярпелы лавіў рыбу з выкарыстаннем сетак разам са сваякамі. Па словах блізкіх, яны спалохаліся гукаў аўтамабіляў, якія праязджалі побач, і схаваліся за узвышшам. Меркавалі, што гэта інспектары прыродааховы, а мужчына застаўся ў вадзе, распавялі ў Следчым камітэце.
Кіроўца аднаго з аўтамабіляў зрабіў стрэл у кірунку пацярпелага. Пасля гэтага ён падышоў да берага і ўбачыў, што ў выніку яго стральбы загінуў мужчына, затым схаваўся з месца здарэння.
Па дадзеным факце Маларыцкага раённага аддзела Следчага камітэта Рэспублікі Беларусь узбуджаная крымінальная справа па ч.1 арт.139 (Забойства) Крымінальнага кодэкса.
Падазроны быў затрыманы супрацоўнікамі органаў унутраных спраў у Брэсце той жа ноччу. Ім з'яўляецца 43-гадовы жыхар абласнога цэнтра. Падчас агляду ў яго канфіскаваная паляўнічая стрэльба «Сабаці». Па словах падследнага, ён думаў, што страляў у бабра. Мужчына ў той дзень меў дазвол на здабычу вадаплаўных птушак.
Загінулы нарадзіўся ў вёсцы Дарапеевічы Маларыцкага раёна, жыў у Брэсце.
Падазраваны і пацярпелы раней не судзімыя.
Фоты з Масквы даюць пабачыць Пуціна і Лукашэнку без грыму15
Каментары