У Беларусі прэзентаваны першы праект дапоўненай рэальнасці.
Фонд «Краіна замкаў» прадставіў новы праект дапоўненай рэальнасці «Замкі ВКЛ». На думку аўтараў, гэта будзе прарыў у туріндустрыі Беларусі.
Праект дапоўненай рэальнасці працуе па прынцыпе папулярнай мабільнай гульні ў пакемоны. Для яе дастаткова мець смартфон або планшэт са спецыяльнай праграмай, якое чытае QR-коды. Дзякуючы адмысловым кодам чалавек можа ўбачыць на сваіх гаджэтах 3D-мадэлі замкаў, храмаў, разбураных кварталаў.
«Ноу-хау праекта заключаецца ў тым, што мы можам дэманстраваць 3D-мадэлі абсалютна ў любым месцы, без землеадводу, ліцця пластыкавых канструкцый, афарбоўкі. Гэта ў корані вырашае праблему дэманстрацыі помнікаў архітэктуры. Бо ў нас многія аб'екты татальна разбураныя. Калі раней чалавеку трэба было ўключаць уяўленне, каб іх уявіць, дык цяпер з дапамогай праграмы дапоўненай рэальнасці можна на свае вочы ўбачыць, як выглядалі той ці іншы старадаўні замак, разбураныя кварталы не толькі знешне. З дапамогай праграмы можна рэканструяваць нават інтэр'еры», - расказвае дырэктар фонду «Краіна замкаў» Алесь Варыкіш.
Праект дапоўненай рэальнасці «Замкі ВКЛ» быў прадстаўлены 27 жніўня падчас прэзентацыі Парку мініяцюр замкаў і храмаў Вялікага Княства Літоўскага, якая адбылася ў фальварку Радзевічы Ашмянскага раёна. У прэзентацыі ўзялі ўдзел каля 150 чалавек. Гасцям былі прадстаўленыя мадэль Камянецкай вежы, фрагмент Камайскага касцёла-крэпасці, а таксама 3D-друкаркі, на якіх друкуюцца мініяцюры. Адна з друкарак была нядаўна набытая ў межах кампаніі па зборы сродкаў на пляцоўцы Talaka.by.
На сённяшні дзень у кампаніі прынялі ўдзел 79 чалавек, якія сабралі 69% неабходнай сумы. «Збор сродкаў працягваецца, мы па-ранейшаму маем патрэбу ў падтрымцы. Актыўнасць людзей гаворыць пра тое, што ёсць вялікая цікавасць да стварэння парку мініяцюр. Таму ёсць энергія, каб працягваць праект і далей рухацца», - падкрэсліў Алесь Варыкіш.
20 фундатарам, якія ўдзельнічалі ў прэзентацыі, былі ўручаны падарункавыя сертыфікаты на наведванне будучага парка мініяцюр і паслугі фонду «Краіна замкаў». Завяршылася мерапрыемства выступленнем вядомага музыкі Змітра Вайцюшкевіча.
Ціханоўская: Дзеці не пераехалі ў ЗША, а проста часова будуць з татам дзеля бяспекі39
Каментары