Даючы згоду на прызначэньне новага намесьніка генпракурора, Лукашэнка сказаў, што чакае «павышэньня эфэктыўнасьці дзейнасьці пракурорскіх работнікаў», і шмат чаго залежыць ад супрацоўніцтва з прадстаўнікамі другіх праваахоўчых органаў.
У прыватнасьці, даў згоду на прызначэньне Аляксея Стука намесьнікам генэральнага пракурора Беларусі. Лукашэнка адзначыў, што «чакае ў найбліжэйшы час павышэньня эфэктыўнасьці дзейнасьці пракурорскіх работнікаў. Шмат чаго залежыць ад выбудоўваньня пасьпяховага ўзаемадзеньня пракурораў з прадстаўнікамі другіх праваахоўчых органаў».
Хартыя'97 зазначае, што зя няпоўны год Аляксей Стук зрабіў ашаламляльную кар'еру.
Да ліпеня 2007 г. ён быў усяго толькі пракурорам Ленінскага раёну Менску. Павышэньне па службе ў выглядзе намесьніка пракурора Менску атрымаў хутка пасьля таго, як адмовіў у завядзеньні крыімінальнай справы супраць грамадзян, што напалі ў пачатку сакавіка 2006 г. на кандыдата ў прэзыдэнты Казуліна, адзначае Хартыя'97.
І менавіта Стук падпісаў санкцыю на правядзеньне ператрусаў у памяшканьнях Радыё Рацыя, «Эўрапейскае радыё для Беларусі», «Белсату», прыватных кватэрах журналістаў, што прайшлі 27‑28 сакавіка 2008 г. па ўсёй Беларусі.
Відаць, чарговае павышэньне на службе Стук атрымаў за "пасьпяхова праведзеную апэрацыю супраць журналістаў", рэзюмуе Хартыя'97.
Цяпер чытаюць
Памёр паэт Уладзімір Карызна, аўтар слоў да цяперашняга дзяржаўнага гімна Беларусі4
Каментары