Аляксандр Лукашэнка паставіў задачу на працягу двух дзён дасягнуць канчатковай дамоўленасці з расійскім бокам па пастаўках энерганосьбітаў. Такі вынік рабочай сустрэчы кіраўніка дзяржавы з віцэ-прэм'ерам Уладзімірам Сямашкам.
«Я азнаёміўся з вашым дакладам па гарачых слядах па перамовах у Маскве. Хацеў бы, каб вы мне распавялі больш падрабязна, як будзем далей дзейнічаць. Бо кожны год вяртацца такім чынам да гэтых праблемаў, напэўна, наогул сумна. Канец года, а мы за мінулы год пачынаем задняй датай вырашаць праблемы забеспячэння краіны тым, без чаго яна жыць не можа — без энерганосьбітаў», — заявіў кіраўнік краіны.
«Гэта ўжо стала такой тэмай кухонных размоваў. Думаю, гэта недапушчальна. Людзі не павінны хвалявацца. Наогул гэта нашы пытанні. Як бы ні было складана, мы іх павінны вырашаць», — падкрэсліў кіраўнік дзяржавы.
Лукашэнка нагадаў таксама аб пастаўленай задачы мець у наяўнасці альтэрнатыўныя варыянты. «Усюды павінна быць альтэрнатыва, як бы ні было складана. І па прыродным газе (гэта складаней, вядома), а па нафце тым больш», — сказаў ён.
Кіраўнік дзяржавы адзначыў, што падчас сустрэчы на саміце ў Бішкеку, магчыма, будзе неабходна абмеркаваць нейкія пытанні ў цэлым па беларуска-расійскіх адносінах.
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках24
Каментары