Папоў: Палата — не пляцоўка для палітычных баталіяў
Агульным фатаграваньнем скончылася чарговая сэсія палаты прадстаўнікоў.
Агульным фатаграваньнем скончылася чарговая сэсія палаты прадстаўнікоў.
Цяпер дэпутаты гэтага скліканьня зьбяруцца толькі 2 кастрычніка. Але да гэтага часу ўжо пройдуць новыя выбары.
Цяперашні кіраўнік палаты прадстаўнікоў Вадзім Папоў на прэс-канфэрэнцыі патлумачыў: «Пасьля выбараў першае паседжаньне павінна быць прызначанае не пазьней чым праз 30 каляндарных дзён. І калі 28 верасьня пройдуць выбары, дык 28 кастрычніка павінна будзе адбыцца першае паседжаньне. І тут скончацца паўнамоцтвы дэпутатаў цяперашняга скліканьня».
Вадзім Папоў выказаўся і наконт магчымага ўдзелу ў новым складзе парлямэнту прадстаўнікоў апазыцыі: «Давайце вернемся да другога, папярэдняга, скліканьня палаты. Відавочная і невідавочная апазыцыя. Шуму і трэску шмат. Тут не пляцоўка для палітычных баталіяў. Гэта пляцоўка для стварэньня законаў».
Каментары