Эксперты спрабуюць патлумачыць загадкавую адстаўку «па стане здароўя» былога першага намесніка міністра ўнутраных спраў, а цяпер дэпутата Валянціна Міхневіча.
Cтваральнік аналітычнага цэнтра Belarus Security Blog Андрэй Паротнікаў мяркуе, што сыход у адстаўку па стане здароўя быў патрэбны для атрымання большай пенсіі.
«На самай справе няма ніякай загадкі. Міхневіч — генерал-маёр, у яго выслугі 27 гадоў (пры 20 неабходных для права на пенсію) і яму 50 гадоў. Лімітавы ўзрост знаходжання на службе для генерал-маёра — 55 гадоў. Звальненне па стане здароўя пры наяўнасці выслугі, дастатковай для прызначэння пенсіі, гэтую самую пенсію і забяспечвае. Гэта значыцца, звольніся Міхневіч у сувязі з пераходам на выбарную пасаду — пенсію б пачаў атрымліваць праз 5 гадоў. … А так сыходзіць па здароўі з генеральскай пенсіяй у максімальным памеры 75% ад акладу грашовага ўтрымання плюс дэпутацкая зарплата», — адзначыў Паротнікаў.
Гродзенскі журналіст Анджэй Пачобут звярнуў увагу на стан здароўя былога сілавіка.
Па яго інфармацыі, яшчэ падчас працы на пасадзе начальніка гродзенскай міліцыі ў Міхневіча здарыўся інсульт. Прычым гэта здарылася ўжо пасля падпісання ўказа аб яго пераводзе ў Мінск. Таму дактарам давялося ставіць сілавіка на ногі.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6060
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне60
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары