Эканамічныя санкцыі ЕС супраць Расіі, уведзеныя за дэстабілізацыю сітуацыі ва Украіне, афіцыйна падоўжаныя да канца ліпеня наступнага года, паведамляе Радыё Польшча.
Папярэднюю згоду лідараў 28 краін у гэтым пытанні была афіцыйна зацверджаная ў рамках так званай пісьмовай працэдуры. Заўтра гэта рашэнне павінна з'явіцца ў Афіцыйным бюлетэні ЕС.
Рашэнне аб падаўжэнні эканамічных санкцый азначае далейшае абмежаванне доступу расійскіх банкаў і нафтавых кампаній да рынкаў капіталу. Расіяне таксама не змогуць купляць сучасныя тэхналогіі, у тым ліку, звязаныя з здабычай нафты ў арктычных радовішчах, і так званае абсталяванне падвойнага прызначэння, якое выкарыстоўваецца як у грамадзянскіх, так і ў ваенных мэтах. Рашэнне аб падаўжэнні эканамічных санкцый таксама азначае працяг дзеяння эмбарга на пастаўкі зброі.
Паведамляецца, што ЕС прыняў пастанову аб падаўжэнні санкцый супраць Расіі з-за адсутнасці прагрэсу ў рэалізацыі мінскіх пагадненняў. Асобныя галасы, якія выступаюць за паслабленне санкцый у дачыненні да Масквы, былі прыглушаныя абурэннем сусветнай грамадскасці ў сувязі з расійскімі авіяналётамі ў Сірыі.
Каментары