Chrome ад Google стаў самым уразлівым браўзэрам 2016 года. Пра гэта сведчыць даследаванне CVE Details, якое параўноўвае колькасць сур'ёзных памылак у праграмным забеспячэнні, што далі магчымасць хакерам атрымаць доступ да сістэмы або сеткі.
За год у працы Chrome выявілі 172 уразлівасці, аднак гэта не значыць, што дадзеныя карыстальнікаў браўзэра ад Google падвяргаюцца падвышанай небяспецы — ІТ-гігант увесь час выпускае абнаўленні з выпраўленнямі памылак, піша dev.by.
2016 прынёс менш клопатаў распрацоўнікам Apple, якія адказваюць за Safari. У працы гэтага браўзэра летась выяўвілі найменшую колькасць багаў.
Хоць Firefox не стаў самым уразлівым браўзэрам у 2016 годзе, флагманскі прадукт кампаніі Mozilla застаецца антылідарам у агульным рэйтынгу. На яго рахунку 1437 ідэнтыфікаваных пагроз (супраць 1370 у Chrome). Праўда, у гэтым няма нічога дзіўнага, паколькі CVE Details адсочваюць патэнцыйныя пагрозы для Firefox ад 2003 года, а для Chrome — ад 2008-га.
У Познані гінеколаг выдаліў 24‑гадовай беларусцы матку і яечнікі без яе згоды. Яму пагражае да 20 гадоў турмы12
Каментары