Амбасада Злучаных Штатаў Амерыкі ў Мінску абвясціла пра змены ў працэдуры звароты па візы, гаворыцца на старонцы прадстаўніцтва ў фэйсбуку.
У сувязі з напружанасцю ў амерыканска-беларускіх адносінах звяртацца па візы, у тым ліку ўпершыню, трэба было пераважна ў прадстаўніцтвы ЗША за межамі Беларусі. Але ў Мінску можна было падаць на абнаўленне візы. Цяпер правілы крыху ўскладняюцца.
Як паведамляе Амбасада ЗША ў Мінску, для заяўнікаў, якія абнаўляюць візы: абнавіць візы ў Мінску могуць толькі тыя, чые візы скончыліся менш за 12 месяцаў таму (раней тэрмін складаў 3 гады і 10 месяцаў). Усе астатнія ахвотныя абнавіць свае візы, чые візы скончыліся больш за 12 месяцаў таму, павінны звяртацца па абнаўленне віз у амбасады ЗША ў іншых краінах.
Дадзенае правіла не датычыцца пастаянна пражываючых у Рэспубліцы Беларусь асобаў, якiя звяртаюцца па візы ў наступных катэгорыях:
дыпламатычныя візы (візы катэгорый А і G),
студэнцкія візы (катэгорыі F і M);
візы наведвальнікаў па абмене (катэгорыя J) — апроч віз па праграме «Летняя праца і падарожжы»;
візы для гасцей дыппрадстаўніцтва (сваякі беларускіх дыпламатаў, якія працуюць у беларускіх дыпламатычных місіях у ЗША),
паездкі і праграмы, фундаваныя урадам ЗША;
заявы ад асоб старэйшых за 70 гадоў, якія збіраюцца наведаць ЗША з мэтай турызму, наведвання сяброў, сваякоў і г. д;
рабочыя візы катэгорый P (артысты, спартсмены і да т.п.) і O (работнікі з выдатнымі здольнасцямі), якія выдаюцца на аснове ухваленай петыцыі.
Пасольства рэкамендуе звяртацца па неіміграцыйныя візы ў пасольствы ЗША ў Маскве, Пецярбургу, Кіеве, Варшаве, Вільні, Рызе.
Спявачку Мэрыем Герасіменка на працягу двух гадоў збіваў муж43
Каментары