Сёння, 3 сакавіка, ў Брэсце за ўдзел у несанкцыянаваным «Маршы тунеядцев» 26 лютага супрацоўнікі міліцыі затрымалі Андрэя Шарэнду і Наталлю Папкову. Актывістаў затрымалі напярэдадні чарговай несанкцыянаванай акцыі супраць дэкрэта аб дармаедах, якая запланаваная на выходныя.
Каля 18.30 на вуліцы міліцыянты затрымалі брэсцкага актывіста Андрэя Шарэнду, паведаміў TUT.BY праваабаронца Раман Кісляк. Суразмоўца адзначыў, што раней Андрэя Шарэнду выклікалі ў міліцыю, каб той даў тлумачэнні з нагоды ўдзелу ў несанкцыянаваным Маршы.
«У Ленінскім РАУС пацвердзілі, што Андрэй Шарэнда знаходзіцца ў іх па адміністрацыйнай справе. Якой — не ўдакладнілі», — патлумачыў праваабаронца.
У прэс-службе УУС Брэсцкага аблвыканкама TUT.BY пацвердзілі, што Андрэй Шарэнда знаходзіцца ў Ленінскім РАУС Брэста.
Раней стала вядома пра затрыманне актывісткі Аб'яднанай грамадзянскай партыі Наталлі Папковой. Два супрацоўнікі міліцыі пасадзілі яе ў цывільны аўтамабіль і павезлі. Пазней стала вядома, што яна знаходзіцца ў псіхіятрычным стацыянары абласнога псіханеўралагічнага дыспансера.
Завадатарку «Маршу дармаедаў» у Брэсце затрымалі і адвезлі ў псіхдыспансер
Цяпер чытаюць
Жалезная заслона ў дзеянні: як зменшылася колькасць перасячэнняў мяжы Беларусі і Еўрасаюза за апошнія гады10
Каментары