Тролем з «Марша недармаедаў» у Рагачове аказаўся… ідэолаг мясцовага свінакомплекса
Падчас пратэсту «недармаедаў» у Рагачове 12 сакавіка ўвагу людзей звярнуў на сябе мужчына ў акулярах, які расказваў прысутным, што ён таксама дармаед, але сплаціў падатак. А пратэстуючыя, маўляў, надумваюць сабе праблемы і займаюцца абы-чым.
«Людзі развучыліся працаваць, — казаў ён. — А гэтая праблема [дэкрэт №3] ужо вырашаная. Я вось нідзе не працую, але плачу падатак».
У хлопца, які ўзяўся з ім спрачацца, той спытаўся, што ён умее рабіць, і што зрабіў для дзяржавы. Сказаў таксама, што ў «Францыі падатак 75% з аднаго рубля», і што нельга «жыць у грамадстве, і быць свабодным ад яго».
Людзі жорстка абсеклі гэтага мужчыну, а на наступны дзень у каментарах пад артыкулам з акцыі на сайце vrogacheve інтэрнаўты апазналі чалавека ў акулярах.
Як пішуць карыстальнікі, гэта — Аляксандр Пятровіч Сляпцоў, ідэолаг свінакомплекса ў Зарэччы, прыгарадзе Рагачова.
Можаце параўнаць гэтыя фотаздымкі: з відэа-анлайна і з сайта мясцовай «раёнкі».
«Наша Ніва» дазванілася на свінаферму, дзе працуе Сляпцоў.
Ягоныя калегі, у якіх мы пыталіся нумар, выказвалі здагадкі, што цікавасць журналістаў да асобы іхняга ідэолага выклікана «учорашнімі падзеямі».
Але сам Аляксандр Сляпцоў адмовіўся гаварыць з журналістамі, папрасіўшы папярэдне прадаставіць дакументы.
Цяпер чытаюць
Легендарная журналістка Любоў Лунёва расказала пра Віктара Лукашэнку і аднакурснікаў, стварэнне «Вясны» і палітычны бамонд1
Каментары