Позна ўвечары ў двары дому № 8 па вуліцы Харкаўскай раздаліся вусьцішныя крыкі.
Позна ўвечары ў двары дому № 8 па вуліцы Харкаўскай у Менску
«Пачуўшы шум за вакном, я выбегла на вуліцу, — расказвае жыхарка дому Алена Буднік. — Гляджу, гарыць наша альтанка, а людзі выцягваюць з гэтага вогнішча нейкага хлопчыка. Хтосьці па мабільным выклікае міліцыю. Літаральна празь некалькі хвілін пад’ехалі машыны хуткай дапамогі й пажарных.
Яшчэ да прыбыцьця спэцпадразьдзяленьняў жыхары выцягнулі з полымя 17‑гадовага падлетка, адзеньне на ім літаральна абвуглілася. Хуткая дапамога забрала яго з апёкамі 1‑й і 3‑й ступені: у хлопца ад галавы да галёнак практычна на 70 адсоткаў згарэла скура.
Міліцэйскі нарад 8‑й роты палка патрульна‑паставой службы затрымаў падпальшчыкаў.
— Усё пачалося з таго, што 53‑гадовы жыхар дому, у стане алькагольнага ап’яненьня, у літаральным сэнсе слова выпаўз з сваёй кватэры ў двор, — узнаўляе падзеі старшы сьледчы сьледчага аддзелу папярэдняга расьсьледаваньня Фрунзэнскага РУУС Віталь Мятлушка. — Што яму не спадабалася ў паводзінах падлеткаў — ён і сам патлумачыць ня можа. Паводле слоў хлоцаў, якія ў адрозьненьні ад буяна былі цьвярозыя, ён стаў на іх лаяцца й заявіў, што зараз спаліць альтанку. У гэты час міма праходзіў ягоны 22‑гадовы сусед, таксама нападпітку. Той падхапіў ідэю й сказаў, што ў яго ў хляве ёсьць двухлітровая пляшка з бэнзынам.
Пакуль меншы выпівоха бегаў за «палівам», старэйшы стаў у праёме адзінага выхаду з альтанкі й не выпускаў адтуль шасьцёх падлеткаў 17‑18 гадоў, спаміж якіх была дзяўчына. Прынесеным бэнзынам былі шчодра палітыя як альтанка, так і маладзёны, якія да апошняга моманту ня верылі, што пагрозы рэальныя. Аднак тыя, адступіўшы на некалькі крокаў, спакойна дасталі запалкі…
Альтанка шуганула й падлеткі з крыкам кінуліся ўпрочкі. Адзін зь іх зачапіўся й паваліўся проста ў полымя на драўляныя бэлькі. Дарэчы, пацярпелы — жыхар Санкт‑Пецярбургу, які прыехаў на лета пагасьцяваць у менскіх сваякоў.
Пакуль крымінальная справа ўсчатая паводле артыкулу «Наўмыснае зьнішчэньне ці пашкоджаньне маёмасьці, якое пацягнула цяжкія наступствы», а падпальшчыкі знаходзяцца ў Жодзінскім сьледчым ізалятары.
У загінулай у Сляпянцы дзяўчыне апазналі Яну Кастранкову2
Каментары