Расія засяродзіла на мяжы з Украінай каля 18 тысяч ваенных і вялікую колькасць ваеннай тэхнікі. Пра гэта заявіў першы намеснік міністра абароны Украіны Іван Руснак ў ходзе пасяджэння Міжпарламенцкай рады Украіна-НАТА ў Кіеве 5 красавіка, паведамляе «Укрінформ».
«На тэрыторыі Расійскай Федэрацыі ў непасрэднай блізкасці да мяжы Украіны на сёння разгорнутыя падраздзяленні расійскіх Узброеных сіл колькасцю больш за 18 000 ваенных, каля 1 370 танкаў і баявых браніраваных машын, каля 300 артылерыйскіх сістэм і сістэм залпавага агню, каля 700 баявых самалётаў і верталётаў, 24 баявыя караблі», — распавёў ён.
Па словах першага намесніка міністра абароны, Расія выпрабоўвае ва Украіне новыя формы і спосабы вядзення баявых дзеянняў, найноўшыя ўзоры ўзбраення і ваеннай тэхнікі.
Каментары