Вера Шпакоўская, выхаванка першай беларускай школы балета для дзяцей, стала адной з пераможцаў міжнароднага конкурсу Youth America Grand Prix (YAGP) ва ўзроставай катэгорыі 9-12 гадоў, піша Tut.by.
YAGP — гэта адзін з самых буйных і аўтарытэтных конкурсаў у свеце, у якім удзельнічаюць вучні балетных школ. У 1999 годзе яго заснавалі муж і жонка Ларыса і Генадзь Савельевы, былыя салісты маскоўскага Вялікага тэатра.
Сёлета на конкурс былі пададзеныя больш за 3,5 тысячы заявак ад дзяцей, якія прафесійна займаюцца балетам. Паўфіналы праходзілі ў Францыі, Бразіліі, Японіі, Карэі, Мексіцы, Амерыцы і Аўстраліі.
Цікава, што юным беларускім балерынам Веры Шпакоўскай і Анастасіі Ярмаш было восем гадоў. Тады як у іх узроставай групе спаборнічалі дзеці ад 9 да 12 гадоў. Як распавяла балерына Марына Вежнавец, зорка Нацыянальнага тэатра оперы і балета і кіраўнік першай беларускай школы балета для дзяцей, падчас паўфіналу ў Парыжы арганізатары дапусцілі дзяўчынак да ўдзелу, убачыўшы іх узровень. У фінале конкурсу, які адбыўся ў Нью-Ёрку, Вера і Анастасія абышлі тых саперніц, якія абагналі іх у Парыжы.
Вера Шпакоўская заняла пятае месца, набраўшы 95 балаў. Месца Анастасіі Ярмаш, якая набрала 92 балы, арганізатары не ўдакладнілі. Усяго ў групе спаборнічалі 112 удзельніц.
Як распавяла Марына Вежнавец, па выніках конкурсу Веру Шпакоўскую запрасілі летам на тыднёвую стажыроўку ў адну з вядомых у свеце харэаграфічных школ — Школу танца ў Партугаліі.
-
У Чачэрску скончылі аднаўленне ратушы, пабудаванай фаварытам Кацярыны II для натхнёнага Лонданам «ідэальнага горада»
-
«Мне страшэнна падабаюцца кепскія мужчыны». Святлана Курс распавяла, як пісала сваю першую кнігу
-
«Нішто так не заахвочвае пісаць, як нуда». 50 гадоў таму памерла Агата Крысці. Як пісала гэта геніяльная жанчына?
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы4
Каментары