Перад продажам кошт лота ацэньвалі ў $100 тысяч.
Футравае паліто, якое насіла сцюардэса патанулага карабля «Тытанік», прадалі на аўкцыёне ў Вялікабрытаніі за 150 тысяч брытанскіх фунтаў (каля $ 192 тысяч). З улікам падаткаў і збораў пакупнік заплаціць 181 тысячу брытанскіх фунтаў ($231 тысячу), паведамляе ВВС.
Перад продажам кошт лота ацэньвалі ў 80 тысяч фунтаў.
Сцюардэса Мейбл Бенет, якой належала футра, узяла яго з сабой, каб не замерзнуць, бо на ёй была толькі начная кашуля, калі экіпажы выратавальных шлюпак прыбылі ратаваць пасажыраў «Тытаніка» пасля сутыкнення карабля з айсбергам.
Мэйбл Бенет памерла ў 1974 годзе, а паліто аддала сваёй пляменніцы ў 1960-х гадах. Футра ўпершыню была выстаўлена на продаж у ЗША ў 1999 годзе.
Цяпер чытаюць
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках9
Каментары