Мікалай Статкевіч асуджаны на 5 сутак адміністратыўнага арышту. Цяпер ён знаходзіцца ў ізалятары на Акрэсціна.
Намеснік кіраўніка Ленінскага РУУС патэлефанаваў жонцы палітыка Марыне Адамовіч і паведаміў, што Мікола Статкевіч асуджаны на пяць сутак. Падрабязнасці ён не распавёў
Таксама пра тое, што Статкевіч асуджаны на 5 сутак паведаміў сын Марыны Адамовіч у сябе ў фэйсбуку.
Нагадаем, што Мікола Статкевіч заклікаў да правядзення 1 мая акцыі пратэсту супраць кіравання Аляксандра Лукашэнкі. Ён планаваў, што акцыя пройдзе ў цэнтры горада.
Варта адзначыць, што ўлады не далі дазволу незалежным прафсаюзам на правядзенне дэманстрацыі пратэсту ў гэты дзень.
***
Нагадаем таксама, што Статкевіч быў ізаляваны на некалькі сутак перад акцыяй 25 сакавіка ў Мінску. Ён быў вызвалены толькі раніцай 27 сакавіка.
Каментары