Слухачамі школы беларусістыкі ў БДУ стануць 60 прадстаўнікоў 18 краін, паведамілі БелТА ў прэс-службе ВНУ.
Міжнародная летняя школа беларусістыкі пройдзе ў Рэспубліканскім інстытуце вышэйшай школы БДУ (РІВШ) 4—15 ліпеня. Мерапрыемства прымеркавана да 500-годдзя беларускага кнігадрукавання.
Сярод замежных слухачоў — госці з Індыі, Украіны, Японіі, Венгрыі, Чэхіі, Германіі, Кітая, Расіі, Грузіі, ЗША, Інданэзіі, Іспаніі, Латвіі, Літвы, Польшчы, Славакіі, Сербіі і Швецыі.
Навучанне будзе праходзіць па трох праграмах А, В і С, якія разлічаны на розную моўную падрыхтоўку і веды ўдзельнікаў. Сёлета створаныя дзве групы для ахвотных вывучаць беларускую мову з нуля.
Усе праграмы ўключаюць па 40 гадзін лекцыйных і столькі ж практычных заняткаў па фанетыцы, граматыцы, развіццю вуснай і пісьмовай мовы, а таксама спецыяльныя лекцыйныя курсы па розных аспектах беларускай мовы, гісторыі і культуры.
Толькі для тых, хто навучаецца па праграме С, дадаткова прадугледжаныя індывідуальныя заняткі па ўдасканаленні беларускай мовы.
Культурная праграма для замежных гасцей таксама насычаная. Яна ўключае ў сябе наведванне музеяў Беларусі, экскурсію ў старажытны Полацк, удзел у мерапрыемствах, прысвечаных Дню Незалежнасці. Сюрпрызам для слухачоў стане іх удзел у Купаллі ў ноч з 6 на 7 ліпеня ў Беларускім музеі народнай архітэктуры і побыту ў Строчыцах.
Арганізатарамі мерапрыемства выступілі кафедра маладзёжнай палітыкі і сацыякультурных камунікацый РІВШ і БДУ.
«Размаўляў увесь час па-беларуску». Павел Севярынец запісаў свой першы зварот пасля вызвалення18
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары