Słuchačami škoły biełarusistyki ŭ BDU stanuć 60 pradstaŭnikoŭ 18 krain, paviedamili BiełTA ŭ pres-słužbie VNU.
Mižnarodnaja letniaja škoła biełarusistyki projdzie ŭ Respublikanskim instytucie vyšejšaj škoły BDU (RIVŠ) 4—15 lipienia. Mierapryjemstva prymierkavana da 500-hodździa biełaruskaha knihadrukavańnia.
Siarod zamiežnych słuchačoŭ — hości ź Indyi, Ukrainy, Japonii, Vienhryi, Čechii, Hiermanii, Kitaja, Rasii, Hruzii, ZŠA, Indanezii, Ispanii, Łatvii, Litvy, Polščy, Słavakii, Sierbii i Šviecyi.
Navučańnie budzie prachodzić pa troch prahramach A, V i S, jakija raźličany na roznuju moŭnuju padrychtoŭku i viedy ŭdzielnikaŭ. Sioleta stvoranyja dźvie hrupy dla achvotnych vyvučać biełaruskuju movu z nula.
Usie prahramy ŭklučajuć pa 40 hadzin lekcyjnych i stolki ž praktyčnych zaniatkaŭ pa fanietycy, hramatycy, raźvićciu vusnaj i piśmovaj movy, a taksama śpiecyjalnyja lekcyjnyja kursy pa roznych aśpiektach biełaruskaj movy, historyi i kultury.
Tolki dla tych, chto navučajecca pa prahramie S, dadatkova praduhledžanyja indyvidualnyja zaniatki pa ŭdaskanaleńni biełaruskaj movy.
Kulturnaja prahrama dla zamiežnych haściej taksama nasyčanaja. Jana ŭklučaje ŭ siabie naviedvańnie muziejaŭ Biełarusi, ekskursiju ŭ staražytny Połack, udzieł u mierapryjemstvach, pryśviečanych Dniu Niezaležnaści. Siurpryzam dla słuchačoŭ stanie ich udzieł u Kupalli ŭ noč z 6 na 7 lipienia ŭ Biełaruskim muziei narodnaj architektury i pobytu ŭ Stročycach.
Arhanizatarami mierapryjemstva vystupili kafiedra maładziožnaj palityki i sacyjakulturnych kamunikacyj RIVŠ i BDU.
Ciapier čytajuć
Novy staršynia Kanstytucyjnaha suda adpraviŭ syna vučycca na raźviedčyka ŭ akademiju HRU. A jak pačałasia vajna, chutčej zabraŭ z Rasii16
Kamientary