Прэзідэнт Казахстана Нурсултан Назарбаеў заявіў, што адмоўна ставіцца да ініцыятываў назваць той ці іншы аб'ект ў яго гонар. Пра гэта ён распавёў у інтэрв'ю для фільма «Казахстан глядзіць у будучыню» на тэлеканале «Расія 24».
Так прэзідэнт пракаментаваў рашэнне ўрада краіны ад 21 чэрвеня перайменаваць міжнародны аэрапорт Астаны ў Міжнародны аэрапорт Нурсултан Назарбаеў. «Я часта згадваю выказванне вялікага імператара Рыма і філосафа Марка Аўрэлія, які на пытанне, чаму ў цябе дагэтуль няма помніка, адказваў — не хачу, каб пыталіся, чый гэта помнік. Няхай пасля мяне лепш пытаюцца, чаму да гэтага часу яму не паставілі помнік», — сказаў казахскі лідар.
Назарбаеў адзначыў, што пытанне прысваення імя — гэта пытанне будучых пакаленняў, піша lenta.ru.
Сёння Назарбаеву споўнілася 77 гадоў, ён кіруе Казахстанам ад 1990 года.

Каментары