Prezident Kazachstana Nursułtan Nazarbajeŭ zajaviŭ, što admoŭna stavicca da inicyjatyvaŭ nazvać toj ci inšy abjekt ŭ jaho honar. Pra heta jon raspavioŭ u intervju dla filma «Kazachstan hladzić u budučyniu» na telekanale «Rasija 24».
Tak prezident prakamientavaŭ rašeńnie ŭrada krainy ad 21 červienia pierajmienavać mižnarodny aeraport Astany ŭ Mižnarodny aeraport Nursułtan Nazarbajeŭ. «Ja časta zhadvaju vykazvańnie vialikaha impieratara Ryma i fiłosafa Marka Aŭrelija, jaki na pytańnie, čamu ŭ ciabie dahetul niama pomnika, adkazvaŭ — nie chaču, kab pytalisia, čyj heta pomnik. Niachaj paśla mianie lepš pytajucca, čamu da hetaha času jamu nie pastavili pomnik», — skazaŭ kazachski lidar.
Nazarbajeŭ adznačyŭ, što pytańnie prysvajeńnia imia — heta pytańnie budučych pakaleńniaŭ, piša lenta.ru.
Siońnia Nazarbajevu spoŭniłasia 77 hadoŭ, jon kiruje Kazachstanam ad 1990 hoda.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary