Паводле інфармацыі памежнікаў, 8 жніўня ў 18.10 пагранічны вартавы карабель атрымаў сігнал аб дапамозе ад капітана замежнай яхты тыпу катамаран (сцяг Беларусі, порт прыпіскі Брэст). Судна, знаходзячыся за 3-4 мілі ад берага, цярпела бедства з прычыны моцнага ветру, які зносіў яго ўсё далей у адкрытае мора.
«Ужо праз паўгадзіны экіпаж вартавога катэра «Мангуст» у раёне мыса Мікалая аказваў дапамогу судну. Прыняўшы на свой борт пяцярых падарожнікаў, вартавік прыступіў да буксіроўкі яхты ў бухту Ціхая», — гаворыцца ў паведамленні.
У прэс-службе таксама паведамілі, што выратаваныя здзяйснялі марскі круіз уздоўж крымскага ўзбярэжжа. «Па шчаслівым збегу абставін у выніку здарэння ніхто з гасцей Крыму не пацярпеў, і ўжо сёння яны працягнулі падарожжа па вызначаным маршруце», - паведамілі ў Пагранупраўленні.
Цяпер чытаюць
Калеснікава: Лукашэнка можа пайсці на спыненне рэпрэсій дзеля будучыні і «з нейкай мудрасці»14
Каментары