Францыя змяніла і спрасціла працэдуру атрымання шэнгенскай візы для грамадзян Беларусі. Як паведаміла французскае пасольства, з 2 лютага 2026 года запіс на падачу візавых заяў робіцца праз візавы цэнтр TLScontact, якому перадалі адпаведныя функцыі.
З гэтага ж дня пачаў працаваць і сайт TLScontact. Цяпер грамадзянам Беларусі і іншаземцам, якія жывуць у краіне, неабходна стварыць уліковы запіс на сайце візавага цэнтра і запоўніць анлайн-анкету для падачы дакументаў.
Адно з галоўных новаўвядзенняў — магчымасць падаваць дакументы на французскую турыстычную візу індывідуальна. Раней такую візу можна было атрымаць толькі ў складзе арганізаванага тура. Пры наяўнасці вольных месцаў заяўнікам будуць прызначаць дату падачы дакументаў у пасольстве Францыі.
Таксама ў дыппрадстаўніцтве заявілі пра спрашчэнне візавай працэдуры для асобных катэгорый заяўнікаў, у тым ліку для сямейнікаў грамадзян Еўрапейскага саюза.
Турыстычныя групы, якія прадстаўляюцца турыстычнымі агенцтвамі, будзе суправаджаць TLScontact: ён будзе звязвацца з імі для прызначэння даты прыёму пасля ўхвалення заяў консульскімі службамі і пры наяўнасці вольных месцаў.
Пры гэтым усе прыёмы дакументаў, як і раней, будуць адбывацца ў пасольстве Францыі ў Мінску. Менавіта пасольства застаецца адзіным органам, які прымае рашэнні аб усіх візавых заявах і катэгорыях.
«Паўгода чакання, мінус $1200 — і ніякай візы». Як беларусы зараз адкрываюць «шэнген»
Лідар на Пірэнеях. З'явіўся «народны» рэйтынг устаноў, праз якія яшчэ можна атрымаць шэнгенскую візу
Колькі шэнгенскіх віз атрымалі беларусы ў 2024 годзе і якія краіны іх часцей выдаюць?
Экспертка падзялілася лайфхакам, як атрымаць шэнген хутчэй і на больш працяглы тэрмін
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ29
Каментары