Алег Каранеўскі, старшыня СФК «Слуцк», затрыманы ў аўторак у момант атрымання хабару. Пра гэта «Кур’еру» паведаміў Канстанцін Шалькевіч, начальнік упраўлення інфармацыі і грамадскіх сувязяў МУС Беларусі.
Затрыманы ён быў на праспекце Пераможцаў у Мінску супрацоўнікамі АБЭЗ УУС Мінаблвыканкама. Ён падазраецца ў атрыманні хабару.
На дадзены момант іншыя падрабязнасці МУС не паведамляе.
У футбольным клубе сказалі, што 6—7 верасня Алег Каранеўскі на працу не выходзіў, і не ведаюць, па якой прычыне. Мабільныя нумары Каранеўскага недаступныя.
Алег Каранеўскі нарадзіўся ў вёсцы Басіна, што пад Наваградкам. У Слуцк прыехаў у 1996 годзе. Гэты горад — радзіма жонкі. Тут ён уладкаваўся трэнерам у Дом культуры на цукровым камбінаце. Праз некаторы час у горадзе была арганізаваная футбольная каманда — ён лічыцца адным з яе заснавальнікаў. Ад другой лігі чэмпіянату вобласці (1998 год) каманда дарасла да вышэйшай лігі.
Каментары