Увечары 13 верасня на будоўлі гасцінічна-дзелавога комплексу ў элітным раёне Веснінка (Дразды-2) адбылося надзвычайнае здарэнне: падчас заліўкі перакрыцця трэцяга паверха правалілася апалубка. Відавочцы паведамілі, што абвал суправаджаўся «страшным грукатам».
Грукат чулі жыхары ўсяго раёна. Адзін з іх паведаміў падрабязнасці TUT.BY:
— Завулак Веснінскі, 14 — там будуецца гасцінічна-дзелавы комплекс з тэнісным цэнтрам, — распавядае сведка. — Калі на трэцім паверсе пачалі заліваць бетон, абвалілася апалубка. Вялікая частка правалілася. Учора фатаграфаваць забаранялі, хадзілі вартаўнікі вакол.
Жыхары дамоў, размешчаных побач з будоўляй, паведамілі, што «машыны «хуткай дапамогі» і МНС не прыязджалі, абышлося без чалавечых ахвяраў».
Праверыць гэтую інфармацыю, а таксама высветліць прычыны таго, што здарылася аператыўна не ўдалося. Тэлефоны не адказваюць. Па адзіным нумары, куды ўдалося датэлефанавацца, размаўлялі толькі па-кітайску.
Заказчыкам будаўніцтва выступае кампанія «Інтэрсэрвіс» Аляксандра Шакуціна і Мікалая Вераб'я. Генпадрадчыкам — кітайская CITIC Construction. Архітэктурны праект распрацоўвала турэцкая BB Group.
Агульная плошча комплексу складае больш за 127 тыс. кв. м. У яго будуць уваходзіць чатыры будынкі вышынёй 9—14 паверхаў. Два будынкі плануецца аддаць пад офісы, у трэцім размясціць медыцынскую клініку, у самым высокім — банк. У 25-павярховым будынку павінна з'явіцца гасцініца на 240 нумароў. Спартыўна-аздараўленчы цэнтр будзе ўключаць 8 кортаў.
Каментары