Топ-10 найлепшых ФОТА Сатурна і яго спадарожнікаў, якія зрабіў касмічны апарат Cassini
У пятніцу, 15 верасня, завяршылася місія касмічнага апарата Cassini, які апошнія 13 гадоў вывучаў Сатурн і яго спадарожнікі. Cassini ўдалося сабраць шмат новых даных і зрабіць буйныя фатаграфіі нябесных цел.
Для разгону апарат выкарыстоўваў гравітацыйнае поле трох планет. Ён два разы праляцеў побач з Венерай — у 1998 і 1999 гадах, затым, у жніўні 1999 года з хуткасцю 69 тыс. км/г прайшоў каля Зямлі, узімку 2000 года праляцеў міма Юпітэра, перадаўшы на Зямлю яго фатаграфіі. Да Сатурна апарат наблізіўся 30 чэрвеня 2004 года і стаў першым штучным спадарожнікам гэтай планеты.
Вельмі складана выбраць самыя прыгожыя фотаздымкі, бо ўсе яны неймаверныя. Але мы выбралі дзясятку такіх, якія, на наш погляд, зачароўваюць больш за ўсё.
«Карабель зрабіў усё, пра што мы яго прасілі, і перадаваў дадзеныя да самай апошняй хвіліны», — заявіў кіраўнік місіі «Касіні» Эрл Мэйз.
У NASA праводзілі легендарны касмічны апарат апладысментамі і слязамі суму і падзякі «Касіні» за праведзеную працу. Самым апошнім кадрам, які апарат перадаў на Зямлю, стаў гэты.
Пасля гэтага кадра сувязь з «Касіні» знікла, і касмічны апарат назаўсёды паглынула атмасфера газавага гіганта.
«І кожны раз, як будзем глядзець на Сатурн у начным небе, мы будзем успамінаць. І ўсміхацца. І марыць вярнуцца», — абвяшчае запіс у твітары NASA.
Цяпер чытаюць
«Чаго з людзей здзекуецеся?!» Лукашэнка загадаў прыбраць маршруткі40
Каментары