«Перайшоў на новае месца работы, у Маскву»: заходнерусіст Гронскі больш не выкладае ў БДУІР і БДУ
Як стала вядома «Нашай Ніве», з пачаткам справы трох прарасійскіх публіцыстаў (Паўлаўца, Алімкіна і Шыптэнкі) у Беларусі больш не працуе Аляксандр Гронскі — былы выкладчык БДУІР (як і Паўлавец), дацэнт Інстытута бізнесу і менеджменту БДУ.
«Ён тут больш не працуе, перайшоў на новае месца — у Маскву», — так сказалі нам на кафедры гуманітарных дысцыплін БДУІР.
Чым цяпер займаецца гэты заходнерусіст?
Гронскі стаў «вядучым навуковым супрацоўнікам сектару Белоруссіі, Молдавіі і Украіны» Цэнтра постсавецкіх даследаванняў Нацыянальнага даследчага інстытута сусветнай эканомікі і міжнародных адносінаў імя Яўгена Прымакова.
«Цэнтр імя Прымакова» — гэта структура, створаная пры падтрымцы фонда Гарчакова.
***
Гронскі — аўтар вызначэнняў «беларусамарфізм» для беларускай нацыянальнай ідэі, «квазісамаідэнтыфікацыя» для беларускай нацыянальнай традыцыі і «крыптарэвізіянізм» для беларускай гістарычнай памяці, люты барацьбіт за гістарычную рэабілітацыю падаўляльнікаў паўстання 1863—1864 гадоў у Беларусі і за аднаўленне помніка цару Аляксандру ІІ у Мінску.
Тэксты Гронскага вылучаюцца, бадай, найбольшай навукападобнасцю сярод опусаў адэптаў заходнерусізму, але вось адказ на пытанне пра паходжанне і сутнасць беларусаў гэты інтэлектуал дае гранічна просты: «Тады [у пачатку ХХ ст. — НН] спецслужбамі Германіі і Аўстра-Венгрыі пачаў рыхтавацца праект расколу адзінага рускага этнасу на 3 народы: на рускіх, украінцаў і беларусаў. Гэтыя ідэі былі падхопленыя як нешматлікімі яшчэ этнасепаратыстамі ў Маларосіі і Беларусі [у арыгінале Белоруссіі — НН], так і інтэрнацыяналістамі-бальшавікамі, галоўным ворагам і ахвярай якіх заўсёды быў рускі народ, гэтая «велізарная, кансерватыўная сялянская маса, што тармазіла перамогу сусветнай рэвалюцыі». Аднак усе домыслы пра тое, што беларусы — нібыта асобны, нярускі народ, разбіваюцца аб трывалую сцяну гістарычных крыніц, велізарны масіў якіх цалкам абгрунтоўвае тую навуковую тэорыю і народную ідэю, якія лічаць беларусаў рускім народам з рускай культурай і рускай этнічнай самасвядомасцю».
Чытайце таксама: Хто хоча зрабіць з Беларусі Заходнюю Расію — дасье
Цяпер чытаюць
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках25
Каментары