РГА «Белая Русь» працягвае добраўпарадкаванне ўрочышча Курапаты — сёння тут прайшоў суботнік, які сабраў каля сотні актывістаў арганізацыі і валанцёраў, а таксама работнікаў Бараўлянскага спецлясгаса, паведамляе БЕЛТА.
«Актывісты, нягледзячы на холад і дождж, якія прыехалі сюды папрацаваць перад Днём памяці (Дзядамі), перакананыя: сумесная праца, які сумяшчае гістарычную памяць і накіраванасць у будучыню, служыць асновай захавання і ўмацавання суверэнітэту. Нельга захаваць незалежнасць і цэласнасць краіны, выбарачна адмаўляючыся або, наадварот, празмерна апяваючы асобныя старонкі гісторыі», піша БЕЛТА.
Удзельнікі суботніка, сярод якіх і студэнты, займаліся ўборкай смецця і сухастою з тэрыторыі самога помніка і прылеглага ляснога масіву. Перад гэтым работнікі Бараўлянскага спецлясгаса правялі санітарную чыстку, абразанне хмызняку. Таксама прадпрыемства прадаставіла тэхніку для вывазу бытавых адходаў і дрэўнага неліквіду.
Цяпер чытаюць
Пракуратура пра смерць Мелказёрава: журналіст меў хранічную хваробу2
Каментары